السلام عليكم و الرحمـــــــــــه


قبل ان ابدأ فى الموضوع ...
ابغي اقولكم سالفتين استوت لى ...
المهم اول سالفه ...
فى يوم من الايام ... كان يوم الخميس .. كنا مجتمعين .. اخوانى و خواتي و ابويه و امي ... و كنا يالسين فى الحديقه انسولف ... المهم سمعنا حد يدق الباب ... فسار ابويه علشان ايشوف منو ...فكانت وحده طلابه او شحاته ... المهم ابويه عطاها الى الله كاتبنه لها ... كان فى اعتقاده انه عطاها 10 دراهم ... بس فى الاخر اكتشف انه عاطاها 500 درهم .. لانه كانت الاضاءه فى هاك المكان مب وايد...
اتوقعوا 500 درهم .. اتعرفون هذه الحرمه شو سوت قامت تي بيتنا كل خميس فى نفس الوقت ..

السالفه الثانيه
المهم كنت ساير مع ابوي في السوق ... كان عمري تقريبا 13 سنه ... المهم يانى واحد باكستاني و قال لابويه شوف ايدي ... فابويه عطاه و لا رده ... المهم انا سالت ابويه ... شو بلاها ايده .. قال لى انه يحطون تيزاب على ايدهم ... بس علشان يعطونهم بيزات ... انا من شفت ايده و الله لين الحين اتذكر شكل ايده ... كانت مبينه العظام ...

الحين بقول لكم موضوعي عن شو ..
هناك الكثير من المواقف التى لا تعجبنى و نعاني منها بشكل كبير من اهم هذه السلوكيات هي الشحاته او الطلبه ...
يوم نسير السوق نشوف نسبه مب قليله ... بنسبه للناس الى سايرن يشترون اغراض من السوق ... و بمجرد انا نعطي واحد منهم ... اي الباقى يركضون علشان تعطيهم ...

و يوم يطلبون منك ... ابسط شى ايقولون ... انه ابوهم متوفي و ما عندهم مصروف ... و لا واحد من عيالها مريض بالسرطان و لا الشلل ... و فيه اسباب ثانيه ...

و ما شاء الله عليهم من كلامهم تحس انهم متخرجين من كليه الطلبه ... يعني صج عندهم اسلوب ..
و ما شاء الله انواعهم وااااايد ... و بتشوفوهم فى كل مكان ... فى السوق و المستشفى و الصالونات و البيوت ...

وعليكم السلام ورحمته الله وبركاته

اول شي احب اهنيك اخوي على طرح ا لمواضيع الهادفة في مجتمعتنا واقول الف شكر

بالنسبة حق القضية المطروحة وهي الشحاته وهي مب مقتصره على فئة او جنسية معينة لان للاسف صار في معظم الدول العربية حتى الاطفال يستغلونهم على هذا الشي ..

بس اعتقد ان اسبابها تعود لعد ه اسباب :

1. اما الفقر الشديد واعتقد انهم يلاقون هذا الشي سهل جدا لرفع مستوى معيشتهم عن طريق الغش والكذب على الناس .

2. ما في قانون لاذع يقضي على هذه الظاهرة

وكلا من الاسباب الماضية تودي الى ضعف المجتمع من هذه الناحية

لان بالنهاية الي يسوى هذا الشي يعتبر انسان ما له اخلاق لانه يغش الناس باسليب مب زينه

اما الشحاته بمعناها العام فهي اسلوب مراوغة يستعملها الشخص لغش الشخص الاخر وطبعا هذا الشي مب زين في الاسلام لان المال الحلال ما يجي الا بالمكافحاة والعمل الجاد

بس هذه الظاهرة اتمنى ان الحكومه في كل الدول العربية تساعد على القضاء عليها لان هذا الشي يسبب تراجع في رفع مستوى المجتمع من كل النواحي ...



تحياتي

السلام عليكم

مشكور اخوي العربي على الموضوع الشيق

بصراحة هالشي وايد منتشر هالفترة

بغيت اقول ان هالشي غلط وبعدين احيانا تحسين ان اللي ياي يطلب حالته احسن عنج انتي
وفي نفس الوقت انا وحدة مني ما احب ارد حد احاول اني اتجنبهم بس اذا شفتهم اعطيهم اللي الله كتبلهم اياه

وفي ناس صدق محتاجة والحاجة هي اللي دفعتهم يسوون هالشي
بس للاسف الناس اللي مب محتاجة خلتنا نكره الطلابين والشحاتين
لانا ما نعرف منو اللي يكذب ومنو الصادق

واحسن شي نسويه ان نردهم
واللي صدق محتاج يروح المؤسسات الحكومية والهيئات اللي متخصصة في هالموضوع
وهم ما بيقصرون معاهم بس لازم يتاكدون اول من حالة الشخص

شكرا على الطرح هذي القضيه واللي الصراحه منتشره ووايد في هذي الفتره... بس الصراحه بقول شي... أنه الشحاته هذي الأيام وووووووايد صار عندهم تطور... قمتي ما تعرفين وين الفقير وين اللي عنده فلوس...من اللبس اللي يلبسونه... اللحين تشوفين الطلابه لابسه عباه وشيله... من أحسن ما يكون... وبعد قامو يشلون شنط في أيدهم ... وين بتعرفين هذي فقيره ولا لأ...وين تبغون البلديه تميزهم...

يوم كنا صغار كان في فقير أي يطلب في منطقتنا دايم... ويوم الجمعه كان لازم يفرش عند باب المسجد... ويطلب.. بعد فتره مسكته التحريات... يوم تم التحقيق معها... طلع عنده... فلوس شو كثره في البنك... ومن غير أنه كان يمشيله معاش الشؤون الأجتماعيه... وعند عيال يدرسون برع البلاد... شو تقولون عن هذا...

وفي مره يت بيتنا فقيره... ضربت جرس طلعت لها الخادمه... فقالت وين ماماه... والخدامه على نياتها فقالت ما في موجود... ألحين في إجي... سارت الخادمه... دخلتها مجلس الحريم... ويابت ألها العصير... وبعدين الفاله... ودلال الجاهي والقهوه... والفقير تاكل وتحط.... وتصلت الخادمه حقك أمايه... وقالتها حرمه تباج في البيت... ويوم يت أمايه استغربت وانصدمت... تقول أنا أول مره اشوف هذا الشكل... سئلتها امايه قالتلها شو تبغين قالتلها أنا فقيره... وعندي عيال... ومن خرابيطهم اللي ما تنتهي... راحت امايه جمعت ألها ملابس مانبغيهم... وحط ألها فلوس... وعطتها... تخيلووو شو قالت حقك أمايه... أنا مابغي ملابس ولا أكل أنا ابغي فلوس...


- اذا و جدت احد من الطلابين فهل تمد يدك و تعطيه ما كتب الله له ... او تقول له الله يرزق .. او ماذا تفعل ؟؟؟
مادري والله على حسب الشكل الصراحه هل الأيام ما تعرف تفرق بين الفقير والمحتاج... بس إذا كان موجود مثل الصناديق الموجوده في المحلات والجمعيات فأكيييييدنحط الصراحه فيهن لأنه أكيد الفلوس يروحن حقك واحد محتاج ألهن...

- اذا وجدهم هل تتصل الى الشرطه و تقدم بلاغ ؟؟
لأ... بس في قصه مستويه أخوي في الشرطه خبرنا عنها... في وحده فقيره رايحه تطلب من ناس في بيتهم... وكانت يالسه مع راعيه البيت في المطبخ... وراعيه البيت لابسه كانت ذهب... تخيلي شوكانت اتسوي... كانت اتسوي تنويم مغناطيسي حقك الحرمه راعية البيت... وبنت يرانهم صغيره عمرها 9 سنوات يايه البيت تلعب مع عيالهم... يوم شاف الفقيره تبطل الذهب عن الحرمه خافت وراحت على طول البيت وخبرت أمها وكان أبوها موجود وعلى طول بلغ الشرطه... وراحت الحرمه هي وريلها بيت يرانهم... ومسك الريال الحرمه وربطها ألين ما يت الشرطه وخذتها...

3 - ما هي اسباب ازدياد هذه الظاهره هذه الايام ؟؟
* أول شي أشوف تمادي الناس مع هذي الظاهر... كل مايشوفون فقير عطوه فلوس... مايعرفون إذا هو فقير أو لأ...
* ما فيه رقابه مشدد من قبل البلديات...
* ازدياد العماله الوافده خاصه الأسيويه...
* ما فيه تنسيق بين الأهلي والمؤسسات مثل الشرطه والبلديه للقضاء على هذي الظاهره

- ما هي دور الحكومه للحد من التسول؟؟
مادري ما شوف شي... بس الصراحه في السعوديه يوم رحنا..في الحرم في محابه لهذي القضية

اتذكرت قصه و احبكم تقروها

فيه مره طلابه او شحاته ... كانت تي منطقتنى كل خميس او جمعه ... حتى انى اذكر انه يرانى يلسوها معهم و يسولفون وياها ... المهم تمت ها الفتره و كل الى فى منطقتا يعرفونها

ف فيه مره ابوه و امي سايرين العمره ... و هم سايرين الحرم شافوها هناك ... و اتخيلوا شو كانت اتسوي ... ياليت كانت تعمر و لا سايره تعبد ربها .... لا و الله كانت سايره تشحت على باب الحرم

قولوا لى هذا الى تطلب ... و اونها ما عندها بيزات من وين يابت تذكره السفر و حق السكن و سافرت السعوديه

و الله بنعيش و بنشوف العجب من ها الدنيا

و مشكوووووووورين

. اكيد اساعدهم خاصة اذا كانوا مسلمين
2. لا حرام اتصل في الشرطة
3. فقر او في بعض الاوقات الطمع
4. اعرف ان الحكومة مانعين هالشئ و اللى في ايدهم يسوون